ATOPA AS DIFERENZAS

                                                             

Difícil verdade? Calquera diría que ambas instantáneas pertencen ó mesmo lugar, pero por incrible que pareza non é así. A primeira das imaxes pertence ó marabilloso aparcadoiro da nosa facultade, e a segunda ó noso satélite a Lúa.

Por se algún ou algunha de vós non nos cre, botádelle un ollo á seguinte foto. Confirmado, trátase do noso aparcadoiro! Non sabemos a quen se lle ocorreu a xenial idea de facer o seu chan de ladrillo, un material moi adecuado para que os coches pasen por riba del. As condicións son lamentables e cada vez que tes a ousadía de meter aí o coche corres o risco de deixar as rodas no intento. Pese ás queixas e ás reclamacións, nos tres anos que levamos de carreira a cousa segue igual, e cada vez empeora máis. Por se fose pouco o espazo non é suficiente e ás veces a algúns coches pouco lles falta para aparcar na porta mesmo da facultade, ou para deixar o coche dentro da mesma. Deixando de lado a posibilidade de que a persoa que deseñou o aparcadoiro pode que sexa a mesma que deseñou a facultade... o que nos queda claro é que o resultado que vemos aquí, non se debe as consecuencias dunha mala planificación...non. Posiblemente este señor pensou que os alumnos/as chegaríamos á facultade montados nun 4 x 4 e o pasaríamos “pipa” ó chegar a estes marabillosos cráteres...

Así que xa sabedes camiñantes, no canto de aforrar para facer un deses estrambóticos viaxes á Lúa, vinde pola nosa facultade que é gratis e a experiencia de ingravidez que experimentas no coche cando pasas por estes “cráteres” é a mesma!